Kreu i Lidhjes Demokratike të Kosovës (LDK), Isa Mustafa është duke zhvilluar një takim me liderin e Vetëvendosjes, Albin Kurti.
Takimi mësohet se ka filluar në orën 15:00, por nuk dihet vendi i takimit. Gjatë herëve të tjera zakonisht dy liderët janë takuar në ambientet e Kuvendit të Republikës së Kosovës.
Lajmin se Mustafa dhe Kurti po zhvillojnë një takim e kanë bërë të ditur anëtarë të LDK-së.
Mësohet se ky do të jetë takimi i parë i krerëve të partive pas zhvillimeve në seancën konstituive të 26 dhjetorit prej ku nënkryetari i Vetëvendosjes, Glauk Konjufca u zgjodh në krye të Kuvendit të Republikës së Kosovës. /e.s/
