Mediat britanike shkruajnë se rusë të pafajshëm, të cilët nuk duan të luftojnë në luftën e paligjshme të Vladimir Putinit, thuhet se po dërgohen në kampe brutale burgu.
Një fotografi është shfaqur e burrave në ato që mendohet se janë kampe, ku ata shpesh “kërcënohen me ekzekutim masiv nga skuadra e pushkatimit”.
Sipas botimit të medias ruse The Insider, rreth 21 burra mendohet se mbahen në të ashtuquajturën Republika Popullore e Donestkut.
Shumë nga ata mësohet se kanë bërë deklarata me shkrim duke pretenduar se refuzojnë të marrin pjesë në luftë për shkak të ndërgjegjes së tyre.
Shumë prej tyre thuhet se janë nën presion për të kthyer mbrapsht deklaratat dhe po etiketohen si tradhtarë, pohojnë familjarët e tyre.
Një letër e përbashkët e hapur nga familjarët e burrave, kryesisht gratë dhe nënat e tyre, thoshte: “Ndërsa ishin në Ukrainë, të afërmit tanë u detyruan të sulmonin pozicionet e armikut.
/e.d
