Ish-truproja e Sali Berishes, Izet Haxhia do të ekstradohet nga Turqia drejt Shqipërisë. Vendimi eshte marre nga Gjykata e Lartë në Turqi. Lajmi është konfirmuar nga vetë Izet Haxhia për Shqiptarja.com. Izet Haxhia është dënuar nga gjykata shqiptare me burgim të përjetshëm lidhur me vrasjen e ish-deputetit Azem Hajdari. Haxhia ka bërë të ditur pak kohë më parë, se ka mësuar se është dënuar gjithashtu edhe në Greqi për një tjetër vrasje. Ai ka qenë mjaft aktiv në rrjetet sociale, duke nxjerrë shpeshherë të dhëna nga e kaluara e Sali Berishës.
Lejimi i ekstradimit nga Turqia i Izet Haxhisë në Shqipëri pritet që të trondisë familjen Berisha. Ish-bodigardi ka denoncuar skandale, ndërsa ka akuzuar familjen e ish-kryeministrit Berisha si të përfshirë në shumë afera. Ekstradimi i Haxhisë mund të jetë për ta marrë edhe si dëshmitar për dosjet politike.
Në Prill 2016 në një intervistë për Shqiptarja.com, ish-truproja i Sali Berishës, Izet Haxhia shprehej se Sali Berisha është në zi pas marrëveshjes së firmosur nga FBI, pasi në dimër do të ketë arrestime.
Haxhia shprehte bindjen se Sali Berishës po i ngushtohej laku. “Marshalli është në zi sepse ai e di shumë mirë që këtë vjeshtë apo në dimër do ketë arrestime VIP. Po vjen radha për vendosjen e ligjit, zbatimin e tij dhe ndëshkimin e të inkriminuarave, ku pjesën më të madhe të tortës të inkriminimit e ka marshalli me familjen e tij mafioze”, shprehej Haxhia asokohe. Izet Haxhia ka lëshuar akuza të forta edhe për djalin e ish-kryeministrit Berisha.
ma.me
