Ekstradohet një tjetër shtetas shqiptar i dënuar me 6 vjet e 8 muaj burg për “Trafik të lëndëve narkotike kryer në bashkëpunim”.
Nga Interpol Tirana u krye ekstradimi nga Roma/Itali, drejt vendit tonë i shtetasit shqiptar:
Antonio MUHO, 37 vjeç, banues në Vlorë.
Gjykata Shkallës së Parë për Krime të Rënda Tiranë, me Vendim nr. 45, datë 08.07.2013, e ka dënuar këtë shtetas me 6 vjet e 8 muaj burg, për kryerjen e veprës penale të “Trafikimit të lëndëve narkotike e kryer në bashkëpunim”, parashikuar nga neni 283/a/2 i Kodi Penal të Republikës së Shqipërisë.
Si rezultat i bashkëpunimit të Interpol Tirana me Interpol Romën më datën 26.09.2015, në Romë u bë i mundur arrestimi, me qëllim ekstradimi drejt vendit tonë i shtetasit Antonio MUHO.
