Interpol Tirana ekstradon një tjetër shtetas shqiptar për “Vjedhje me dhunë kryer në bashkëpunim”.
Më datën 29.12.2015, u krye ekstradimi nga Roma/Itali, drejt vendit tonë, i shtetasit shqiptar:
Jonus STAFA, 27 vjeç, lindur në Peshkopi.
Ekstradimi i tij u krye pasi:
Me vendimin penal nr.33 datë 28.05.2014, të Gjykatës së Rrethit Gjyqësor Dibër, ndaj këtij shtetasi është caktuar masa e sigurisë “Arrest në burg”, për kryerjen e veprës penale, “Vjedhje me dhunë” e kryer në bashkëpunim, parashikuar nga nenet 139/2 dhe 25, të Kodit Penal.
Përmbledhje e ngjarjes së ndodhur:
Më datën 20.05.2014 rreth orës 21:00, shtetasi N. H., në bashkëpunim me shtetasin Jonus Stafa, banues në Peshkopi kanë vjedhur me dhunë shtetasin O. Ç, banues në qytetin Peshkopi, ku i kanë marrë një shumë lekësh dhe një celular.
