Agjentët e tregut valutor janë të surprizuar me nivelin aktual të kursit të këmbimit. Ky fundviti po mbyllet me një nivel rekord të monedhës europine prej 98 lekësh.
Në fillim të vitit 2024 ky raport ishte në kufinjtë e 103 lekëve. Të dhënat flasin se zhvlersimi i monedhës europiane gjatë këtij viti është më i ngadaltë se vitet e tjera.
“Të gjithë pritshmëritë tona ishin që nuk do shkonte euro poshtë 100 lekëshit. Kjo është një situatë që prek një masë të gjerë njerëzish dhe ka ndikuar në xhepin e shumë prej tyre, flas më së shumti për remitancat që janë 1 miliard euro në vit. Një pjesë e tyre vijnë për shtresat në nevojë, të cilët nga konvertimi kanë përfituar më pak para”, shprehet Vakaj kreu i shoqatës së agjentëve të këmbimit valutorë gjatë një interviste për emisioni E-ZONE në Vizion Plus.
Sipas tij, Shqipëria është një vend unikal i cili ka në përdorim dy monedha për pagesa.
“Jemi një rast unikal që ska asnjë vend tjetër të rajonit apo dhe në europë, që nuk gjen një situatë të tillë që 50% e transaksioneve bëhën në valutë më konkretisht në euro dhe kjo ka sjellë rrisk të shtuar operacional”, theksoi Vakaj.
Por nga buron kjo fuqi e lekut?
Kjo është një pyetje interesante, në një ekonomi e cila nuk performon është më teper pasive, ne ekspozohemi ndaj një leku të fortë. Përdorimi i lartë i euros, prania e saj me tepri, tërheqja e shpenzimeve qeveritare dhe mos ndarja e tyre në mënyrë të njëtrajtë kanë një ndikim të rëndësishëm.
Por kemi dhe një element tjetër. Përceptimi që kemi pasur, veçanërisht nga ngjarjet e pas ‘90 ku lekut nuk i besohej dhe vëmëndja ishte ndaj valutave. Por ka ndodhur e kundërta në të paktën 10 vitet e fundit. Sot leku nuk është një monedhë që të mos i besosh.
Prej disa vitesh ka një sasi të shtuar të euros në treg. Dergetsat e emigratëve janë rritur për shkak edhe të valës së re të emigrimit.
Investimet e huaja kanë një trend rritës. Edhe shpenzimet qeveritare kanë një rol në këtë situatë. Sufiçiti i arritur është ndër më të lartët në vite, i gjithë në lekë dhe që nuk shpërndahet në mënyrë të njëtrajtshme gjithë vitin.
