Ekspertë gjermanë dhe amerikanë do vijnë në Shqipëri për të mbështetur agjencitë ligjzbatuese në luftën ndaj pastrimit të parave.
Ministria e Brendshme dhe ajo e Financave kanë firmosur një marrëveshje me ‘Ernest&Yang’ për luftën ndaj krimit dhe pastrimint të parave.
Rama deklaroi se janë disa eskpertë amerikanë dhe gjermanë që do vendosen në Shqipëri për luftën ndaj krimit ekonomik
Rama u bëri thirrje agjencive ligjzbatuese për koordinim dhe ndërveprim dhe ftoi Prokurorinë të bashkëpunojë
“Është një skuadër gjermano-amerikane. Eskpertë amerikanë dhe gjermanë do vendosen në Shqipëri për luftën ndaj krimit ekonomik. Janë identifikuar dhe ka filluar ngrirja e aseteve financiare të krimit. Ekspertët e huaj do të bashkëpunojnë me agjencitë tona. Lufta ndaj krimit, korrupsionit dhe pastrimit të parave do të marrë zgjidhje”, tha Rama
Kryeministri deklaroi se “Forca e Ligjit” është shembull i adresimit në mënyrë prioritare i një fenomeni problematik për shoqërinë.
“Operacioni “Forca ligjit” është shembull kuptimplotë i faktit se përtej punës së përditshme, adresimi në mënyrë prioritare i një fenomeni problematik për shoqërinë siç është sot goditja e rrjeteve të krimit të organizuar kërkon një ndërveprim dhe koordinim midis shumë strukturash dhe nuk mjafton vetëm struktura që është e angazhuar në rutinën e përditshme”, tha ai.
Xhafaj vlerësoi nënshkrimin e marrëveshjes së Ministrisë së Brendshme dhe ‘Ernest&Yang’ për pastrimin e parave, duke shtuar se qeveria ka një plan veprimi në këtë fushë.
“Janë një sërë veprash penale për t’u verifikuar. Policia e Shtetit është në një moment reformimi në këtë fushë, në kuadrin e reformimit të policisë kriminale. Miratimi i planit të veprimit për këtë çështje është hap i rëndësishëm përpara, që do ta vërë këtë çështje në prioritetet e qeverisë, por dhe koordinimi më i mirë mes agjencive ligjzbatuese që operojnë në këtë fushë. Operacioni Forca e Ligjit na ka dhënë një mësim të rëndësishëm, sado e fortë të jetë një agjenci, nëse nuk kemi koordinim të mirë mes të gjitha agjencive nuk mund të kemi suksesin e duhur.Në kontekstin e këtij plani veprimi, kjo mbetet një nga domosdoshmëritë për të pasur sukses. Ofrimi i një kompanie të tillë me eksperiencë ndërkombëtare do të jetë vlerë e shtuar për analiza të rëndësishme, për të kuptuar cila është qasja më e mirë në vendin tonë. Për të identifikuar cilat mund të jenë organizimet më të rëndësishme, për të rritur nivelin e trajnimit të kapaciteteve që kemi, për të koordinuar jo vetëm ndërveprimin mes aktorëve shqiptarë, por dhe me aktorët ndërkombëtarë që operojnë në fushën e pastrimit të parave.Një gjë është shumë e rëndësishme, trajtimi i gjithë këtyre raporteve, burimeve, të dhënave, që kërkojnë kompani të aftë për ta bërë këtë gjë. Shpresoj që nënshkrimi i kësaj marrëveshje do të jetë kontribut në fushën e luftës kundër krimit ekonomik, pastrimit të parave dhe korrupsionit.“, tha Xhafaj
Javanews.al/a.ç
