Ekskluzive Javanews/ Disa vende e kanë siguruar vaksinën ende pa dalë, përmes kontratave, por edhe vendi ynë duket se po bën të njëjtën gjë.
Vaksina kundër koronavirusit do të sigurohet dhe madje do të shpërndahet falas për popullatën shqiptare, kur ajo të dalë në treg.
Silva Bino, gjatë inaugurimit të Qendrës Shëndetësore në Kombinat, bëri me dije se ende nuk ka një vaksinë gati, por shteti shqiptar është në bisedime me disa vende.
“Akoma bota nuk ka një vaskinë të sigurt. Janë 7 vaksina të cilate kanë kaluar fazën e dytë. Janë vaksina tepër premtuese. Është një iniciativë botërore, që është iniciativa e Kovaksit, që është një aleancë mes shumë vendëve dhe natyrisht nën udhëheqjen e Organizatës Botërore të Shëndetësisë”, tha ajo.
“Natyrisht ka iniciativa të Bashkimit Europian, të cilat do të vlerësohen natyrisht dhe ne do të sjellim atë vaksinë që është efikase”.
Injektimi i vaksinës nuk do të jetë i detyrueshëm, por ata që duan ta bëjnë do ta përfitojnë kundrejt asnjë pagesë.
Ndërkohë, burime pranë Ministrisë së Shëndetësisë thanë për JavaNews se Shqipëria po ndjek disa mundësi për sigurimin e vaksinës. Njëra është përmes mekanizmit Covax, një koalicion botëror që drejtohet nga OBSH. Ndërkohë që vendi ynë, sipas burimeve, është në tentativë për sigurimin e saj edhe nëpërmjet Polonisë.
/a.r
