Nga Ben Andoni
Për shumë të rinj, sot, Solidarnost nuk do të thotë asgjë, por për brezat e mëparshëm, ajo ishte lëvizja e parë që dha shpresë kundër Komunizmit. Muzeumi gjigand në Gdansk kushtuar kësaj lëvizje dhe Qendra Evropiane e Solidarnostit, ngritur brenda saj, është kthyer në një vend interaktiv, ku të gjithë mësojnë sesi ka qenë ajo kohë. Ajo nuk i kushtohet më vetëm Solidarnostit, grevës së punëtorëve të portit më 1980, por edhe të gjithë luftës polake dhe të gjithë Lindjes ndaj komunizmit. Organizatorët kanë krijuar shumë mjedise që sjellin realisht gjendjen e kohës, por edhe kanë krijuar shumë momente të lëvizjes që u drejtua nga Lech Ëalesa.
Muzeu është ndërtuar me një material, që i ngjason shumë hekurit të ndryshkur, e të sjell ndërmend anijen. Ajo është e ndarë me gjashtë seksione, ku një nga objektet më interesante është platforma e gdhendur prej druri, me 21 kërkesat e punëtorëve drejtuar qeverisë dhe që kohët e fundit është në listën e objekteve të mbrojtura nga UNESCO; shumë objekte reale; objektet dhe mjedise represioni, vende dokumentarësh etj. Po ju tregojmë disa detaje prej tij në fotogalerinë e mëposhtme:
