Shqipëria është një destinacion në rritje, dhe po shkon drejt një konsolidimi në tregun e madh të turizmit.
Në një intervistë për ATSH-në, ministrja e Zhvillimit, Ekonomik, Turizmit, Tregtisë dhe Sipërmarrjes, Milva Ekonomi deklaroi se zhvillimi i qëndrueshëm i këtij sektori në vendin tonë padyshim që do të bazohet në investime të ndryshme të cilat do të respektojnë mbi të gjitha komponentin natyror, për ti dhënë zonave ku implementohen këto projekte zhvillim afatgjatë.
Qëndrueshmëria e tij lidhet me ruajtjen e tregjeve aktuale , ruajtjen e burimeve tona qofshin ato natyrore apo kulturore. Promovimi i pikave tona nën trashëgiminë e UNESCO-s apo konventës ndërkombëtare të RAMSAR luajnë një rol për të krijuar këtë qëndrueshmëri.
Zonja Ekonomi, për çfarë “të veçantash” ia vlen të vizitosh Shqipërinë ?
Shqipëria është një destinacion në rritje, dhe po shkon drejt një konsolidimi në tregun e madh të turizmit. Mendoj se janë një mori faktorësh të cilët e bëjnë vendin tonë të veçantë dhe të preferuar për t’u vizituar si psh; pozicionimi shumë i favorshëm gjeografik, afërsia me tregjet e mëdha dhe të zhvilluara out – going, diversiteti i madh natyror brenda një territori të vogël, klima shumë e favorshme që e bën Shqipërinë një destinacion të mundshëm për t’u vizituar gjatë gjithë vitit, çmimet shumë të arsyeshme dhe kompetitive mbi shërbimet turistike e mbi të gjitha mikpritjen e mrekullueshme dhe të pakonkurrueshme shqiptare. Fatmirësisht këto të “veçanta” po bëjnë që numri i turistëve që vizitojnë Shqipërinë të rritet nga viti në vit dhe ky trend rritjeje parashikohet të vazhdojë edhe gjatë viti 2016.
Në radhë të parë vetë rajoni ku gjendet vendi ynë, Ballkani Perëndimor në vitet e fundit është shndërruar në një trend botëror turistik. Ky detaj na ndihmon shumë për tu prezantuar si një destinacion me ambicie dhe në rritje . Qëndrueshmëria e tij lidhet me ruajtjen e tregjeve aktuale , ruajtjen e burimeve tona qofshin ato natyrore apo kulturore. Promovimi i pikave tona nën trashëgiminë e UNESCO-s apo konventës ndërkombëtare të RAMSAR luajnë një rol për të krijuar këtë qëndrueshmëri. Zhvillimi i qëndrueshëm i këtij sektori në vendin tonë padyshim që do të bazohet në investime të ndryshme të cilat do të respektojnë mbi të gjitha komponentin natyror, për ti dhënë zonave ku implementohen këto projekte zhvillim afatgjatë.
Znj. Ministre, cila është strategjia që po zbatoni për promovimin e saj ?
Promovimi është një element shumë i rëndësishëm për të siguruar një njohje të mëtejshme të destinacionit “Shqipëria” dhe mbi mundësitë që ajo ofron për vende dhe tregje të caktuara. Në këtë aspekt, njohja dhe studimi i tregjeve të caktuara potenciale është një pikë e rëndësishme për të përcaktuar veprimtaritë promocionale tonat. Megjithatë ato janë të fokusuara si në nxitjen e tregut të huaj ashtu edhe ndaj atij të brendshëm , të cilin synojmë që ta orientojmë drejt destinacioneve të vendit. Dua të ndaj me ju faktin që për herë të parë Shqipëria do të prezantohet në një panair ndërkombëtar turizmi si vend partner, në Panairin e Shtutgartit 2017, duke i dhënë vendit qendrën e vëmendjes dhe duke rritur bindshëm vizibilitetin si një destinacion turistik. Kjo do na japë mundësinë të njihemi edhe më shumë në një treg me potenciale të mëdha siç është ai gjerman dhe në fakt është një ndër tregjet më të mëdha në Europë out-going. Gjithashtu Agjencia Kombëtare e Turizmit ka një program të veçantë promocional “Fame Tour” organizimin e udhëtime familjarizuese me media të ndryshme botërore, të cilat duke vizituar nga afër vendin tonë kanë parë realisht atë ç’ka ne ofrojmë në industrinë e turizmit. Kjo formë marketingu po rezulton e suksesshme gjatë këtyre 3 viteve të fundit, ku konstatohet një rritje e konsiderueshme e artikujve dhe reportazheve që i kushtohen Shqipërisë turistike. Ndërkohë është rritur çdo vit numri i pjesëmarrjeve në panairet ndërkombëtare të turizmit, duke eksploruar tregje të reja dhe intensifikuar aktivitetin promovues në shtete që kanë pak ose aspak informacion mbi vendin tonë. Janë thelluar më tej bashkëpunimet rajonale, ku vetëm së fundmi janë organizuar B2B të ndryshme me operatorë turistike dhe grupe nga Kroacia, Greqia dhe Italia.
Cilat janë avantazhet tona për tu prezantuar si një destinacion i qëndrueshëm turistik evropian dhe ndërkombëtar?
Në radhë të parë vetë rajoni ku gjendet vendi ynë, Ballkani Perëndimor në vitet e fundit është shndërruar në një trend botëror turistik . Ky detaj na ndihmon shumë për tu prezantuar si një destinacion me ambicie dhe në rritje . Qëndrueshmëria e tij lidhet me ruajtjen e tregjeve aktuale , ruajtjen e burimeve tona qofshin ato natyrore apo kulturore. Promovimi i pikave tona nën trashëgiminë e UNESCO-s apo konventës ndërkombëtare të RAMSAR luajnë një rol për të krijuar këtë qëndrueshmëri. Zhvillimi i qëndrueshëm i këtij sektori në vendin tonë padyshim që do të bazohet në investime të ndryshme të cilat do të respektojnë mbi të gjitha komponentin natyror, për ti dhënë zonave ku implementohen këto projekte zhvillim afatgjatë.
Zonja Ekonomi, si do të përdoret trashëgimia kulturore dhe historike si pjesë për zhvillimin e turizmit?
Është komponent shumë i rëndësishëm, i cili në fund të fundit përbën gjysmën e potencialit dhe produktit tonë për turizmin, pjesa tjetër është produkti natyror. Trashëgimia jonë kulturore dhe historike është shumë e preferuar dhe kërkuar, veçanërisht nga tregjet e zhvilluara të Europës Perëndimore dhe veriore, ndaj përfitimet që sjellim këto elemente janë shumë të rëndësishme për turizmin. Pika të tilla si vendet e UNESCO-s (Berat, Gjirokastër, Butrint), isopolifonia, qyteti historik i Krujës, kështjellat tona të shpërndara në gjithë vendin, objektet e të shkuarës komuniste, etj janë vlerësuar dhe po vlerësohen në interes të kësaj industrie. (atsh / a.r)
