Duke folur për bujqësinë, profesion me të cilin merret kryesisht kjo zonë, Ekonomi tha se vëmendja e qeverisë për bujqësinë eshtë shtuar, sipërfaqja e tokave që ishin nën ujë është dyfishuar, dhe kemi më shumë produkte bujqësore e blegtorale, ndërsa shtoi se TVSH e inputeve bujqësore do të zerohet në mandatin e ardhshëm.
Duke iu referuar turizmit, Ministrja përmendi rezultatet pozitive në sektor, duke thënë se numri i turistëve që vizituan Shqipërinë vitin e kaluar ishte 15 % më i lartë se një vit më parë, ose rreth 4.2 mln turistë kanë vizituar vendin, disa prej të cilëve kanë ndaluar dhe këtu te ju, pasi ju keni prodhues shumë të mirë vere, keni bioferma që japin produkte të vogla me cilësi të madhe. Ajo tha se shteti do të jetë pranë për ti mbështetur. Një mbështetje e madhe ishte dhe ulja e tvsh për strukturat akomoduese nga 20% në 6%, duke e bërë vendin tonë të krahasueshëm me vendet e tjera të Ballkanit në sektorin e turizmit.
Ministrja u tha banorëve se duhet t’i ruajnë këto tradita të mira që kanë dhe vitin tjetër të vijnë me produkte të reja dhe risi turistike.
Ekonomi falenderoi organizatorët e këtij eventi Biofest 2017, kryetarin e bashkisë Ardian Kokomani, Agjencinë e Zhvillimit të Rajoneve 2, Arben Skënderi, si dhe gjithë pjesëmarrësit në panair. Eventi vazhdoi me aktivitete të larmishme kulturore.
ma.me
