Ekipi i Regjimentit të Operacioneve Speciale të FA u rendit në vendin e dytë, mes 30 shteteve pjesëmarrëse dhe 160 ekipeve, në aktivitetin ndërkombëtar “Cambrian Patrol 2022”.
Ky aktivitet u zhvillua në Wells, Britani e Madhe. Për këtë arritje ka reaguar Ministri i Mbrojtjes, Niko Peleshi.
“Arritje e shkëlqyer në një garë sfiduese dhe të mundimshme që nxori në pah vlerat e lidershipit, punën në ekip dhe aftësi shumë të larta fizike në përmbushjen e misionit, duke u trajnuar në kushte tejet të vështira atmosferike dhe psikologjike, në terren të thyer dhe të panjohur”, shkroi Peleshi në rrjetet sociale.
/a.r
