Efektivët e policisë italiane kanë vënë në pranga 3 shqiptarë dhe drogën e tyre që kishte vlerë prej mijëra eurosh.
Bëhet fjalë për shtetasit Fatos Sadiku, 33 vjeç, Luan Kasalla dhe Fiqiri Sulmina, të dy 36 vjeçarë.
Policia ishte vënë në ndjekje të Luan Kasallës, pasi ky i fundit po sillej çuditshëm me makinën në autostradën e Forlit. Policia e ka ndjekur dhe pas hetimit në banesë I ka gjetur një sasi prej 4 kg kokaine dhe 2 kg marijuanë.
Pa sekuestruar nuk kanë mbetur paratë, 30 mijë euro cash si dhe mjetet e punës për ndarjen e drogës.
Po ashtu, nga hetimet e deritanishme, hetuesit e çështjes hedhin dyshime se shqiptarët e arrestuar kanë lidhje me bandat e rrezikshme të drogës, me aktivitet në provincën e Romanjas./java/a.k
