Pacientët me koronavirus që po përdorin ilaçin eksperimental remdesivir thuhet se po shërohen shumë shpejt dhe po shkojnë në shtëpi brenda pak ditësh.
Një provë klinike për ilaçin e krijuar nga firma amerikane Gilead Sciences studioi efektin tek pacientët me formë të rëndë të sëmundjes në një spital të Chicagos.
Remdesivir zbuti simptomën e etheve dhe vështirësisë në frymëmarrje. Pothuajse të gjithë pacientët dolën nga spitali në më pak se një javë pasi u trajtuan me këtë ilaç, raporton STAT News.
“Lajmi më i mirë është se shumica e pacientëve tanë janë shëruar, gjë që është e shkëlqyeshme. Ne kemi humbur vetëm dy pacientë“, tha Kathleen Mullane, një specialiste e sëmundjes infektive në Universitetin e Chicagos.
Remdesivir ishte një prej ilaçeve të para që u identifikua në testet laboratorike se do të kishte efekt në kurimin e sëmundjes së koronavirusit.
E gjithë bota ka pritur për rezultate në provat klinike të Gilead, të cilat mund ti japin fund pandemisë. Rezultatet pozitive rrisin shpresën se Remdesivir mund të miratohet nga Administrata e Ushqimit dhe Barnave dhe agjenci të tjera.
Ilaçi u testua kundër Ebolas por nuk pati shumë sukses. Në muajin Shkurt, Organizata Botërore e Shëndetit tha që ‘Remdesivir’ tregoi potencial kundër Covid-19.
Nëse konfirmohet si i sigurt dhe efektiv, mund të bëhet trajtimi i parë i aprovuar kundër sëmundjes.
g.kosoavri
