Tashmë është zyrtare, Eduart Ndocaj është deputeti më i ri i kuvendit, teksa para pak çastesh, në mbledhjen e Këshillit të Mandateve, i është dhënë “bekimi” për të qenë mbajtësi i ri i mandatit në qarkun e Lezhës, për PS. Tanimë, me nisjen e seancës plenare të kësaj të enjte, pritet vetëm betimi i deputetit Eduart Ndocaj për të bërë formal dhe mandatimin e tij.
Para disa ditësh KQZ vendosi që ti japë mandatin Eduart Ndocajt, pas dorëheqjes së deputetit Arben Ndoka. Në listën shumëemërore të Partisë Socialiste për Lezhën, në rradhë pas Ndokajt qëndronte Ndrec Dedaj, i cili refuzoi mandatin e deputetit, pasi në zgjedhjet e 21 qershorit u shpall kryebashkiaku i Mirditës. Kësisoj, KQZ vendosi që mandati ti kalonte Eduart Ndocajt, si personi, në rradhë të listës shumëemërore të PS për këtë qark.
Betohet deputeti i ri i PS Eduart Ndocaj
Senca plenare ka nisur me procedurën formale të betimit të deputetit Eduart Ndocaj. Fillimisht fjalën e ka marrë Ulsi Manja i cili bëri të ditur vendimin e Këshillit të mandateve për ti dhënë mandatin e deputetit Eduart Ndocaj. Deputeti socialist Manja ka shtuar se gjatë kontrolleve që janë bërë nuk është gjetur asnjë e dhënë në lidhje me ndonjë shkelje të mundshme ligjore nga ana e Eduart Ndocajt.
Më pas fjalën e ka marrë nënkryetarja e Parlamentit Valentina Leskaj, e cila ka artikuluar fjalimin formal të betimit. Në momentet kur kamera i është drejtuar deputetit Ndocaj, ky i fundit nuk ishte ngritur në këmbë. Duke vërejtur këtë, deputetët e PS i kanë bërë shenjë Ndocajt të ngrihet në këmbë dhe më pas ky i fundit ka reaguar, është ngritur në këmbë dhe pas përfundimit të formulës së betimit që artikuloi nënkryetarja Leskaj, ka thënë “BETOHEM”.
Eduart Ndocaj nuk mban “premtimin” e tij
Pavarësisht se deputeti Cowboy në deklaratat e tij thoshte se në Parlament do të hynte me kapelen e tij prej kubojsi, nuk ka ndodhur kështu. Pak para disa momentesh, deputeti Ndocaj është parë të hyjë në sallën e Parlamentit, i veshur serioz, me një palë xhinse, këmishë e xhaketë, dhe më e rëndësisshmja, pa mbajtur elementin e tij karakteristik, kapelen e kaubojsit. Në të kundërt të kapeles, deputeti më i ri i kuvendit ka hyrë në sallën e seancave plenare me një dosje.
https://www.youtube.com/watch?time_continue=10&v=1xEKxSB2-vg
Eduart Ndocaj mban “premtimin” për makinën e “Padrinos”
Siç shihet dhe nga pamjet, deputeti Eduart Ndocaj ka ardhur në seancën plenare me makinën alla Padrino, ku shihet se kapelen e kaubojit, e ka lënë në pjesën e prapme të saj.
https://www.youtube.com/watch?v=dhMSFiIa41c
