Është finalizuar me ceremoninë e ndarjes së çmimeve, edicioni i parë i Tirana International Film Festival dedikuar plotësisht filmit dokumentar. Ky ka qenë një edicion i veçantë i kësaj gjinie dhe është titulluar si “DOCU TIFF”, pas plot 12 vitesh organizimi të Festivalit të Filmit Ndërkombëtar në Tiranë. Në të kanë marrë pjesë artistë nga 57 vende të rajonit, pas përzgjedhjes së 50 filmave për konkurrim nga 1200 që kishin aplikuar.
Çmimi i publikut u nda në dy kategori, atë të Internetit që iu dha filmit Izraelit “Hibernation” nga Tom Ëereschon dhe çmimi i audiencës për filmin “They” nga Ilir Kaso.
Çmimi i medias iu dha filmit “This is my land”, prodhim i Tamara Erde, që i dedikohet fëmijëve hebrenjë e palestinezë. Për kategorinë “Best Regional Film” triumfoi filmi “Europe Endless”, që rrëfen historinë e dhimbshme të emigrantëve në ishullin e Maltës.
Çmimi “Best Feature” shkoi për “The fortune you seek is on another cookie” nga Austria.
