Kryeministri Edi Rama ka reaguar edhe njëherë në lidhje me lajmet e publikuar së fundi nga “Zëri i Amerikës”, të cilat implikonin qeverinë në afera të ndryshme.
Në intervistën e tij në “Real Story”, Rama u shpreh se kronikat e “Zërit të Amerikës” nuk janë Amerika.
“E para si mundet “Zëri i Amerikës” që të bëhet zëdhënës i medias në Shqipëri. Nuk kam asnjë kompleks që më sulmon “Zëri i Amerikës”. Të dyja herët i ka bërë këto lajme nga gazetarë shqiptarë. Le të jetë dhe CNN.
Herën e parë bënë një goditje skandaloze për punësimet në burgje. Ministrja e Drejtësisë iu vuri në dispozicion mijëra faqe të dokumentuara. Nuk janë fakte janë muhabete telefonash, që mund të ngatërrosh gjithë dynjanë. Nuk mund të ngresh akuza për askënd duke u bazuar në muhabete telefonash”, shtoi më tej Kryeministri.
Këtë të lutem mos ma thuaj se nuk kam asnjë lloj tendence të them dicka që është njëri dhe tjetri. Nëse bëhet fjalë për këto muhabete , Dako mund të kandidojë edhe 500 herë të tjera”, tha Rama.
