Zyrtari i lartë i Lëvizjes Vetëvendosje, Boiken Abazi, e ka bërë një selfie në Facebook gjatë punimeve të Këshillit të Internacionales Socialiste. Fakti që Vetëvendosje ftohet në këtë mbledhje, krah partive ruse dhe latino-amerikane, e ka gëzuar Abazin.
Ja çfarë shkruan ai:
Fillimi i mbledhjes së Këshillit te Internacionales Socialiste qe po mbahet ne Luanda, Angola. Është hera e dyte këtë vit që Lëvizja VETEVENDOSJE! merr pjesë si e ftuar ne mbledhjet e Këshillit të Internacionales – Mbledhja e parë e Këshillit këtë vit u mbajt ne New York. Bashke me subjekte te tjera social-demokrate nga Franca, Portugalia e Hungaria, në këtë Këshill po marrin pjese edhe shume përfaqësues të partive social-demokrate nga shtete të Afrikës, Amerikës Latine dhe Azisë, që ende nuk e kanë njohur Kosovën, por me të cilat po zhvillojmë diskutime me vlere në këtë drejtim.
