Lidhur me origjinën e pandemisë së koronavirusit, për të cilën Presidenti amerikan Donald Trump ka akuzuar disa herë Kinën, edhe kancelarja gjermane Angela Merkel, kërkon më shumë transparencë.
“Mendoj se një Kinë më transparente për origjinën e virusit, do të ishte më mirë për të gjithë botën, që të nxirrte mësim”, thotë Merkel.
Ajo shton se pavarësisht rezultateve të deritanishme ndaj Covid-19, nuk duhet ulur vigjilenca.
Kancelarja gjermane i ftoi qytetarët që të mos rrëmbehen nga një ndjesi e rremë sigurie për të rinisur jetën publike, duke nënvizuar se e mirëkupton dëshirën e shumë njerëzve dhe aktiviteteve, por insiston se ka shumë pak hapësirë për të manovruar në këto kushte.
Deri më tani në Gjermani numri i viktimave nga koronavirusi ka shkuar në 4.939, ndërsa i të infektuarve në 148.007.
