Ish mbrojtësi i Kombëtares italiane, Marco Materazzi ka sulmuar trajnerin e Real Madridit, Rafael Benitez. Materazzi nuk kishte raporte të mira me Benitezin as kur ata ishin së bashku në Inter. Kurse, italiani vazhdon të ketë mendim të njëjtë për spanjollin.
“Të shtunën isha duke e shikuar El Clasicon dhe mendoja se si Cristiano Ronaldo, Gerrard, Terry e Paolo Cannavaro, futbollistë të mëdhenj kurrë nuk u gjendën mirë me atë trajner?”, deklaroi Materazzi për të përditshmen sportive italiane “Gazzetta dello Sport”.
“Napoli tani është duke shkëlqyer sepse ka një trajner”, u shpreh ai për ish trajnerin e Napolit.
