Partia ZGJIDHJA i përgjigjet pozitivisht ftesës së PD-së. Kështu shkruan sot në mbrëmje Koço Kokëdhima sipas të cilit ka ardhur koha për një front të përbashkët kundër krimit.
Përmes një video të postuar në Facebook, Kokëdhima kërkon madje zgjedhje të parakohëshme.
“ZGJIDHJA i përgjigjet pozitivisht ftesës së Partisë Demokratike për të krijuar një front të përbashkët opozitar me partitë politike, shoqërinë civile dhe qytetarët e përgjegjshëm të këtij vendi për të pastruar përfundimisht qeverisjen e Shqipërisë nga kriminelët e drogës, korrupsionit dhe të çdo lloj krimi tjetër.
Në një mesazh me video, kryetari i ZGJIDHJA-s, tha se përgjegjësia kryesore është përgatitja e reformës zgjedhore gjithëpërfshirëse që do t’u japë fund zgjedhjeve pa standarde. Kokëdhima u shpreh se duhet bërë një front i përbashkët opozitar që të detyrojë qeverinë “Rama” që të bëjë zgjedhjet e parakohshme për t’i dhënë vendit një qeverisje të ndershme dhe të drejtë për shqiptarët” – thotë Kokëdhima. /b.d
