Revista “The Economist”, në kopertinën e publikimit vjetor “Bota në vitin 2016” ka pasur edhe një person me flamurin shqiptar. Newsbomb ka arritur të gjejë se cili është ky person dhe pse fotoja e tij është publikuar në koertinë.
Njeriu në foto Xhevat Lajçi, shqiptar i lindur në Stamboll, ku është bërë edhe fotoja.
Xhevati ka dekalruar për Newsbomb se fotografia është bërë gjatë një proteste para konsullatës serbe, më 1998, kundër shtypjes në Kosovë, pak muaj para ndërhyrjes së NATO-s, në pranverën 1999.
“Protesta ishte kundër luftës që zhvillohej në Kosovë. Ajo organizohej nga shoqata “Vëllazëria shqiptare” e krijuar në vitin 1952 në Stamboll. Në krahun tim ndodhet kushëriri im me pankartën “Freedom for Kosova””, ka thënë Xhevati.
Për daljen në revistë, ai thotë se “nuk kam asnjë ide lidhur me këtë. Edhe unë mbeta i surprizuar kur e pashë. Foto është publikuar ditën pas protestës nga disa gazeta turke”.
