Një ngjarje e rëndë tronditi Lushnjen mbrëmjen e djeshme, një orë para mesnate ku u ekzekutua biznesmeni 34-vjeçar, Bledar Muça.
Viktima u vra me të paktën 3 plumba, ndërsa ndaj tij janë qëlluar me breshëri automatik 21 plumba.
Nga të shtënat u plagosën edhe 5 persona të tjerë, mes të cilëve edhe një vajzë e cila ka ndarë eksperiencën e saj tmerruese me publikun.
Në një postim në rrjetin social, Instagram, në story ajo shkruan se ka parë vdekjen me sy.
“Kam parë vdekjen me sy, Zoti më dha një mundësi të dytë. Faleminderit Ledi, Eni dhe një person që më çoi në spital.
Shërim sa më të shpejtë të gjithëve si puna ime,” shkruan Sara.
Muça u vra në vendin ku pinte vazhdimisht kafe, që do të thotë se autorët i kishin studiuar lëvizjet e tij. /m.j
