Dje u publikua një video nga ISIS ku tregohej momenti i ekzekutimit të një agjenti rus.
Ishte shtetasi i parë rus që ekzekutohej nga xhihadistët.
ISIS deklaroi se ai ishte një agjent i shërbimeve sekrete ruse.
Rusia premtoi hakmarrje për ekzekutimin e tij.
Por në fakt agjenti i vrarë nuk ishte realisht një spiun i regjur rus.
E përditshmja britanike Mirror ka bërë disa kërkime për të.
Ai quhej Magomed Khasiev dhe ishte lindur në Chelyabinsk, në malet Urale.
Khasiev mbeti jetim që në moshën 9-vjeçare.
Ai u konverta në islam në moshën dhjetëvjeçare teksa jetonte me prindërit adoptivë në Çeçeni.
Khasiev u arrestua para pak muajsh në Rusi pasi përdorte drogë dhe kishte sasi të konsiderueshme me vete.
Në vend të burgut ai pranoi alternativën për të shkuar në Siri të spiunonte xhihadistët ku gjeti dhe vdekjen.
