Periudha e pandemisë do të kujtohet për drama dhe tragjedi të mëdha që po i shkakton njerëzimit, në forma nga më të ndryshmet.
Ajo kishte vdekur për shumë ditë, mbase me javë, por askush, nuk kishte vërejtur asgjë. Dje pasdite, në Pescara, disa fqinjë duke biseduar me njëri-tjetrin, kuptuan se gruaja nuk ishte dëgjuar dhe nuk ishte parë më për ca kohë. Ata u përpoqën ta kontaktonin dhe të trokisnin në derë dhe, pasi ajo nuk po përgjigjej, të shqetësuar ngritën alarmin. Ajo jetonte e vetëm në banesë.
Për të bërë zbulimin tragjik, në një apartament në zonën e San Donato, ishin policët së bashku me zjarrfikësit. Edhe ekipi shëndetësor ishte gjithashtu, por ata nuk mund të bënin asgjë. Gruaja, D.D.S., 69 vjeçe, kishte rënë në tokë, në dysheme ndërsa trupi i saj ishte në një gjendje gati dekompozimi.
Vdekja, pothuajse me siguri për shkaqe natyrore, datonte prej shumë kohësh. Gati një muaj, sipas hetimeve të para.
Më saktësisht autopsia do ta vërtetojë atë si dhe do të sqarojë shkaqet e vdekjes
/a.r
