Ka ndërruar jetë si pasojë e Covid 19 një 21-vjeçar nga qyteti i Elbasanit.
Ai ishte shtruar në spital, por mësohet se vuante edhe nga sëmundje të tjera bashkëshoqëruese.
Mësohet se i riu kishte disa ditë që kurohej në shtëpi, pas infektimit me Covid-19.
Por kur gjendja e tij është rënduar, mbrëmjen e se mërkurës ai është dërguar në spitalin “Shefqet Ndroqi”, Tiranë.
I riu është futur menjëherë në intubim, por nuk ka mundur t’i mbijetojë sëmundjes duke ndërruar jetë një natë më parë, ose rreth 24 orë pas mbërritjes në spitalin Covid-2.
Pritet që rasti i të riut të raportohet sot nga Ministria e Shëndetësisë.
Deri tani Covid u ka marrë jetën 465 pacientëve në vendin tonë.
Ky është një ndër tre rastet me moshë më të re, që ndërron jetë i prekur edhe nga Covid në vendin tonë.
Dje u shënua një tjetër numër rekord rastesh të reja, 302, teksa vala e dytë po bëhet gjithnjë e më shqetësuese.
g.kosovari
