Tradhti dhe braktisje nga e shoqja dhe sipërmarrësi amerikan Keith King, shfrytëzoi një ligj të vjetër të Karolinës së Veriut, duke kërkuar dëmshpërblim nga i dashur i gruas… dhe ligji i dha të drejtë.
Pas një procesi gjyqësor që zgjati për muaj me radhë, gjyqtari Orlando Hudson e dënoi këtë të martë, Francisco Huizar që ti paguajë King 2.2 milionë dollarë dëmshpërblim dhe, 6.6 të tjera si ndëshkim, me pak fjalë 8.8 milionë dollarë.
Ligji në fjalë i lejon një bashkëshorti të tradhtuar dhe të braktisur të kërkojë “diskutime prej të rriturish”. Nëse gjatë kësaj faze arrihet të tregohet se martesa ishte e lumtur deri në momentin e tradhtisë, mund të kërkohet dëmshpërblim për dëmtim ndjenjash dhe vuajtje emocionale.
Danielle dhe Keith King ishin martuar në vitin 2010 dhe tre vite më vonë u bënë me një vajzë. Huizar hyri mes çiftit në vitin 2015, kur çifti ndodhej në New York, për një shfaqje.
Bashkëshorti i Danielle, është pronari i një kompanie që organizon gara me motor. Huziar ishte i pranishëm dhe në atë moment mes tij dhe Daniell nisi tërheqja.
Gjatë procesit të divorcit, Danielle, deklaroi se martesa me Keith ishte në krizë, për shkak se ai ishte imponues, xheloz dhe posesiv, shkruan noa.al.
Por bashkëshorti i saj pretendon se martesa do të kishte mbijetuar nëse Huizar, nuk do ishte futur mes tyre. Sipas tij, Francisco bëri gjithçka për të bërë për vete Danielle, aq sa u transferua nga Texas në Karolinën e Veriut dhe mori një apartament me qera pranë shtëpisë së tyre dhe se i ndiqte fshehurazi sa herë që iknin me pushime.
Avokati i King tha në gjykatë se, “Ndodh që në çifte të ndodhin tradhti, përfundojnë dhe marrëdhënia shpëton. Por ishte e pamundur që kjo martesë të shpëtonte prej presioneve të vazhdueshme të Huizar”.
