Kodi Penal i Shqipërisë nuk dënon vetëm tentativën për të vrarë një person, por edhe tentativën për të vrarë veten. Të shumta janë rastet kur persona të caktuar, për motive të dnryshme kanë tentuar ti japin fund jetës por nuk ja kanë arritur. Këto raste, procedohen nga policia e shtetit e cila vepron në bazë të nenit 92 të Kodit Penal.
Ky nen e klasifikon veprën si kundravajtje dhe e dënon autorin me gjobë. Një rast vetëvrasjeje e mbetur në tentativë ka ndodhur në Tiranë më datë 30 Mars. Një 75-vjeçar me inicialet M.K. është kallëzuar në Prokurori nga Policia e Tiranës, pasi ka tentuar të vrasë veten me thikë. Pasi ishte njoftuar nga të afërmit e të moshuarit, policia shkoi në banesën e tij dhe me ambulancë bëri shoqërimin drejt spitalit ku i moshuari ndodhet ende nën kujdes mjekësor.
Sipas raporitmeve bëhet me dije se i moshuari ëhstë jashtë rrezikut për jetën. Në fund të verifikimeve dhe pasi mori në pyetje të moshuarin, policia konkludoi se ai ishte vetëplagosur, për motive që janë ende nën hetim. Mësohet se policia e kryeqytetit tashmë ka referuar dosjen me materiale në Porkurorinë e Tiranës, e cila do të kryejë veprimet e mëtejshme në ngarkim të 75-vjeçarit, që tentoi ti japë fund jetës, por përfundoi i pandehur.
Ngjarja, pistat e hetimit
I moshuari tentoi t’i japë fund jetës më datën 30 mars në banesën e tij në rrugën “Sitki Çiço” në kryeqytet. Ngjarja ka ndodhur rreth orës 11 të paradites kur i moshuari M.K. ndodhej i vetëm në banesë. Ai ka marrë një thikë nga kuzhina dhe ka goditur veten, por nga tronditja nuk mundi t’i shkaktojë vetes plagë të thellë. Janë ende të paqartat arsyet që çuan të moshuarin drejt këtij akti. Paraprakisht bëhet me dije se ai vuante nga depresioni.
Sipas të dhënave, mësohet se i moshuari ka kaluar disa herë kriza nervore. Nuk përjashtohet ndonjë konflikt i mundshëm mes tij dhe familjarëve. Gjithsesi pista kryesore e hetimit lidhet me gjendjen mendore të të moshuarit i cili ka shfaqur shenja depresioni para dhe pas ngjarjes. Aktualisht ai po merr mjekim për plagën e thikës në spital. Po ashtu ai ndodhet nën monitorimin e mjekëve specialist për problemet me depresionin./Javanews
