Një shqiponjë, e cila nuk qëndronte krenare, në portën e një copë tokeje në fshatin Buhal…kjo është pamja e rëndë që është regjistruar sot në Përmet.
Shqiponja, ishte e plagosur dhe ishte varur në portë me qëllim balsamosjen të gjallë. Ka qenë një qytetare që ka pikasur e para këtë pamje të rëndë, e cila më pas ka njoftuar policinë.
Tashmë, shqiponja po merr ndihmë të specializuar mjekësore nga veterineri, e ndërsa uniformat blu kanë nisur punën për identifikimin e autorit.
“Përmet
Shërbimet e Komisariatit të Policisë Përmet, specialistët e Agjencisë së Zonave të Mbrojtura dhe një veteriner, i shkojnë në ndihmë një shpendi (shqiponjë) që ishte keqtrajtuar në fshatin Buhal, rast për të cilin Policia u njoftua nga shtetasja S. L.
Vijon puna për identifikimin e shtetasit që ka plagosur dhe ka lidhur shpendin, në një portë, me qëllim balsamosjen të gjallë.
Rasti, me një impakt të lartë publik në rrjetet sociale, u vlerësua me seriozitet dhe menjëherë nga shërbimet e Policisë, të cilat vijojnë veprimet hetimore dhe procedurale për të identifikuar dhe për të nxjerrë përpara përgjegjësisë penale, autorin e këtij krimi që parashikohet dhe ndëshkohet nga neni 207/c i Kodit Penal.
Shpendi (shqiponja), aktualisht po merr ndihmë të specializuar mjekësore nga veterineri, i cili ka asistuar shërbimet e Policisë, gjatë veprimeve për lirimin e shpendit, nga porta ku ishte lidhur.
Policia e Shtetit fton qytetarët që të denoncojnë në numrin 112, çdo paligjshmëri që ata hasin. Reagimi ndaj të gjitha denoncimeve do të jetë i menjëhershëm dhe konform ligjeve”.
Njoftimi i Policisë së Shtetit
Kafshë nokturne pe Përmeti.
Në atë portë, do vënë me kokë poshtë, kafsha nokturne përmetare, për atë që ka vënë shqiponjën në torturë.