Ngjarje e rëndë në Mirditë. Një makinë ka shpërthyer, sapo shoferi ka ndezur mjetin. Ngjarja ndodhi rreth orës 08:05 në fshatin Malaj.
Policia bën me dije se shtetasi me Ledovik Syziu, në momentin që ka ndezur automjetin, në pjesën e pasme të automjetit ka ndodhur një shpërthim.
NJOFTIMI I POLICISE
Rreth orës 08:05, Salla operative e Komisariatit të Policisë Mirditë është njoftuar se në fshatin Malaj, në oborrin e banesës së shtetasit L.S, në momentin që ky shtetas ka ndezur automjetin, në pjesën e pasme të automjetit ka ndodhur një shpërthim.
Për pasojë shtetasi L.S, është dëmtuar dhe po merr ndihmë mjekësore në Spitalin Rajonal të Mirditës jashtë rrezikut për jetën. Menjëherë në vendngjarje kanë shkuar shërbimet e Policisë dhe grupi hetimor.
Nga veprimet e para dyshohet se ka shpërthyer lëndë artizanale. Nën drejtimin e Prokurorisë Grupi hetimor po vijon intensivisht punën për sqarimin e rrethanave të ngjarjes dhe për sigurimin e provave me qëllim zbardhjen dhe dokumentimin ligjor të rastit.S.E./
