Një ngjarje e rëndë është regjistruar mesditën e sotme në fshatin Sanxhak, Kurbin.
Një 38-vjeçar, i cili ishte duke riparuar mjetin e punës në një gurore në Mamaurras, është dëmtuar aksidentalisht dhe për pasojë ka humbur jetën.
“Rreth orës 12:00, në një gurore në Mamurras, shtetasi P. P., 38 vjeç, banues në fshatin Sanxhak, dyshohet se duke riparuar një mjet pune, aksidentalisht është dëmtuar dhe për pasojë ka humbur jetën.
Grupi hetimor ndodhet në vendngjarje dhe po punon për përcaktimin e shkakut të humbjes së jetës dhe për zbardhjen e rrethanave të rastit“, thuhet në njoftimin e policisë.
