Rastet e sulmeve seksuale janë kthyer në shqetësim për instancat ligjzbatuese pasi është një fenomen që ka njohur vetëm rritje.
Mediat italiane raportojnë arrestimin e një përdhunuesi serial i cili ishte kthyer në tmerr për vajzat e reja në Romë.
Ai “godiste” në mënyrë të papritur nëpër rrugicat e qytetit, kur përballej me vajza të pashoqëruara.
Ajo që e bën të rëndë këtë rast, është dëshmia e njëra prej viktimave e cila u sulmua në mes të rrugës, por askush nuk i vinte në ndihmë.
Të bërtiturat e saj për ndihmë binin në vesh të shurdhër, pasi askush nuk reagonte.
“Ishte ora 21:00 e një mbrëmjeje vere. Zbres nga makina ime dhe po i drejtohesha banesës së disa miqve ku do organizonim një festë. Më prisnin për përgatitjet e fundit. Ishte një rrugë me kalim vetëm në një sens dhe me pak trafik. Shoh me bisht të syrit një person pas meje. mendoja se ishte miku im Guido që donte të bënte një shaka. Por, u gabova, ishte një i panjohur, një burrë që më shtrëngoi me forcë nga pas”, e nis rrëfimin vajza e re që nuk pranon të identifikohet.
“Më pas, personi në fjalë më prekte në pjesët intime dhe fillova të bërtas. Në ato momente ai më lëshon, por afrohet sërish dhe më prek”, vijon ajo rrëfimin teksa tregon se u përpoq ta largonte.
Në ato momente ajo tregon se po bërtiste me të madhe shkruan Tgcom.
“Një çift po kalonte aty por më shikonin me indiferentizëm. Po ashtu, edhe disa persona të tjerë që kaluan aty apo ndodheshin në një bar nuk reagonin ndaj të bërtiturave të mia ku kërkoja ndihmë”, thotë vajza.
Ajo më pas tregon se ka ecur për rreth 500 metër në atë rrugicë të ngushtë, derisa dy djem të rinj i erdhën në ndihmë.
“Ishin dy djem rreth të 14-ve që më ndihmuan dhe e neutralizuan agresorin”, tha ajo.
Kjo ishte historia e radhës. Një tjetër rast ishte shënuar një ditë para se të publikohej ky rrëfim. Pas disa kohësh, më në fund agresori u prangos./a.m.
