Ministri i Shtetit për Marrëdhëniet me Parlamentin, Taulant Balla shprehet i bindur se diaspora do i japë Partisë Socialiste 84 mandate deputetësh për të bërë reforma. Gjatë fjalës së tij në seancë plenare, Balla ju ka bërë thirrje emigrantëve shqiptarë që jetojnë jashtë vendit që të regjistrohen për zgjedhjet e 11 Majit.
Taulant Balla: Emigrantëve ju them se ndërsa keni edhe 2 javë kohë, ju lutem shfrytëzoni këtë kohë për të rritur numrin e bashkëatdhetarëve tanë. Ta votojnë afatin e regjistrimit me regjistrimin e koalicioneve, kandidatëve, për t’i lënë më shumë kohë postës. Ju e keni kuptuar se është e pamundur që dikush të votojë me një dokument të një shteti tjetër.
Është e pamundur në asnjë vend të botës që dikush të votojë me një dokument të një shteti tjetër. Ne jemi një shtet prej vitit 1912, jemi krenarë që kemi bërë hapa dhe përsa i përket integritetit të proceseve zgjedhore. Kemi sanksionuar se në Shqipëri mund të marrësh pjesë në zgjedhje me dokumenta biometrikë. I takon autoritetit që organizon zgjedhjet, të shprehet për këtë çështje.
Një deputete këtu guxoi të hyjë në krahasime përsa i përket takimeve me diasporën. Biem dakord se takime si ato në Athinë, në Milano, në SHBA, apo në Londër ju nuk i bëni dot. Ju nuk e bëni dot në Tiranë një takim si këto. Ajo që duam ne nga diaspora nuk është të kemi mandatet për të qeverisur, por të kemi 84 mandate për të bërë reforma që të mos mbetemi peng i votave ttuja. Diaspora do i japë PS-së 84 mandate për të bërë reforma.
Bravo Balla mos i hapni rruga nje voting qe nuk midshipman ne as he vend te botes . Esther jerkers per alibi per humbjen . BYlykbashi dhe Kosovrasti vodhen zgjedhjet e 2009 ne nje Kobe qe Saliu tha te happen kutite