-Portali informativ ukrainas në gjuhën angleze Kyiv Independent kështu e sheh takimin në Alaskë:
«E neveritshme. E turpshme. Dhe, në fund të fundit, e padobishme. Në ekranet tona u prit si mbret në vendin e lirisë një diktator dhe kriminel lufte me duar të përgjakura – ndërsa dronët e tij po drejtoheshin drejt qyteteve tona».
– Chuck Schumer, udhëheqësi i pakicës demokrate në Senatin amerikan, shkroi në platformën X: «Në pamje të parë duket sikur Trump i dha Putinit legjitimitet, një skenë globale, nuk kërkoi asnjë llogaridhënie dhe në këmbim nuk mori asgjë».
– Në rrugët e qytetit pati pak protesta, për Trumpin, por sidomos kundër Trumpit dhe kundër Putinit, shkruan gazeta zvicerane Tages Anzeiger. Demonstruesit kishin sjellë flamuj ukrainas dhe pankarta ku shkruhej «Alaska qëndron në krah të Ukrainës» ose «Diktatorët nuk janë të mirëpritur».
Rreth tre orë pas fillimit të bisedimeve të tyre me dyer të mbyllura, Trumpi dhe Putin u shfaqën secili pas një podiumi, pranë flamurit amerikan dhe atij rus. Midis tyre qëndronte motoja «Pursuing peace» («Duke ndjekur paqen») – por për paqe nuk mund të bëhej fjalë.
– Ish-kreu i Konferencës së Sigurisë së Mynihut, Wolfgang Ischinger, shkroi në X se samiti ishte një zhgënjim. «Putin mori qilimin e kuq, Trump përkundrazi nuk mori asgjë. 1:0 për Putinin».
– Gazeta gjermane Süddeutsche Zeitung komenton: «Putini është i durueshëm, ai mund të jetojë me këtë. Për të, samiti i Alaskës përbënte sidoqoftë një triumf krejt të pamundshëm. Ai, krimineli i luftës i kërkuar dhe i përbuzur, u nderua dhe u përkëdhel nga njeriu më i fuqishëm në botë.
Jo vetëm për njerëzit në Ukrainë, të cilët prej tre vitesh e gjysmë janë viktima të terrorit putinian, pamjet nga Anchorage duhet të kenë qenë një torturë. Por edhe për këdo që beson se mbetet krim të pushtosh vendet fqinje dhe se kufijtë duhet të respektohen. Anchorage nuk do të hyjë në histori si një Jaltë e re, por sigurisht si një skenë e ligësisë dekurajuese». (E.R)
Redaksisë së gazetës:Java!Mos u bëni mediokër për diplomacinë dhe gjeopolitikën ndërkombëtare.S’Ka mbetur diplomacia amerikane ta gjykojnë dhe ta ngelin në klasë,palo analistë shqiptarë,injorantë, bythlëpirës,që shkruajnë për tutorët e tyre…Bëhuni reflektivë dhe shihni progresin…Kush jeni ju?!..Jini të sinqertë dhe punoni për Shqipërinë…se ShBA i zgjidhin vet hallet e tyre.