E ndalojnë për shkelje të rregullave të qarkullimit, 31 vjeçari nxjerr paratë, por e arrestojnë

Uniformat blu kanë arrestuar një shtetas i cili ka tentuar të korruptojë një polic për të shmangur gjobën.

31 vjeçari Rajeld Zani, banues në Berat, është ndaluar në aksin rrugor Kuçovë-Frashër, pas mosrespektimit të sinjalizimit, dhe më pas ka tentuar të korruptojë oficerin e policisë.

I riu i ka ofruar policit 10.000 (dhjetë mijë lekë të rinj), për të shmangur shkeljen që kishte bërë, por ai është arrestuar më pas.

Materialet i kaluan Prokurorisë së Rrethit Gjyqësor Berat, për veprime të mëtejshme. /java/a.k