Dy ditë pasi policia e Tiranës gjeti të pajetë trupin e një mashkulli, është bërë i mundur identifikimi i viktimës, përmes motrës së tij.
Policia dha disa të dhëna orientuese për kufomën e gjetur, moshën me përafërsi, dhe gjatësinë.
Nisur nga këto, dhe fakti që vëllai i saj ishte kallëzuar në polici për largim nga banesa. 58-vjeçarja me inicialet A.P pas bërje publike të lajmit, ka bërë këqyrjen e kufomës, duke konfirmuar se i përket vëllait të saj, Naim Puca 60 vjeç.
Trupi i pajetë dhe i dekompozuar u gjet në një shkurre në rrugën “Lord Bajron”.
Paraprakisht policia pati deklaruar se dyshohet që vdekja mund të ketë ardhur nga shkaqe natyrale. /b.d
