Erion Veliaj ka folur në Gjykatën Kushtetuese pas pyetjes së gjyqtares së Kushtetueses, se përse do të donte të ishte në Këshillin Bashkiak.
“E nderuar gjyqtare, Në 10 vite si kryebashkiak ka dy mënyra si thirret këshilli: e thërret kryetari i bashkisë dhe kur e thërret vetë këshilli. Këshilli duhet të ftojë kryetarin. Kur gjykohet kryetari i bashkisë, duhet ta ftojë. Të shohë nga TV i burgut që mblidhet Këshilli Bashkiak i Tiranës. Ju korrigjoj, sepse nuk kam marrë asnjë përgjigje nga Këshilli Bashkiak. Ky është fshati që duket. M’u mohua njoftimi, ftesa. A do të kisha fuqi të ndërroja vendimin e tyre? Mendoj se fjala ka peshë. Fyerja më bë nga njerëzit e mi. Efikasiteti që shkoi nga padrejtësia në padrejtësi. Do t’u kujtoja se nesër mund të jenë ata viktimë.”-tha Veliaj.
Në vijim të seancës në Gjykatën Kushtetuese, ish-kryebashkiaku i Tiranës Erion Veliaj vijoi mbrojtjen e tij me tone ironike, por edhe emocionale, duke e cilësuar procesin e shkarkimit si një akt të padrejtë, të kryer pa respektuar procedurat ligjore dhe pa i dhënë mundësinë të paraqiste qëndrimin e tij përpara Këshillit Bashkiak të Tiranës.
“Zonja gjykatëse, ju falënderoj për pyetjen. Në 10 vite si kryebashkiak, ka dy mënyra si flitet në këshill: ose kur thërret kryetari, ose kur ka vendime të rëndësishme. Ka edhe një rast të tretë, kur e thërret vetë këshilli por edhe atëherë duhet të thërrasë kryetarin. Unë nuk mora asnjë ftesë nga këshilli, por një njoftim nga sekretari, që nuk është anëtar i zgjedhur i tij,” tha Veliaj.
Sipas tij, njoftimi për mbledhjen e këshillit nuk iu bë në mënyrë ligjore, duke e përjashtuar në mënyrë të qëllimshme nga procesi që çoi në shkarkimin e tij.
“Kur gjykohet një kryetar bashkie, duhet të ketë një vendim formal të këshillit për ta ftuar atë. Sekretari nuk ka këtë kompetencë. Në fakt, unë e kam parë mbledhjen e këshillit nga televizori i burgut. Dhe po ju them sinqerisht pashë një efikasitet mbresëlënës: tetë vendime administrative brenda tetë orëve pune. Një shpejtësi që s’e kam parë asnjëherë kur kam kërkuar ndihma për qytetarët,” ironizoi ai.
“Më është mohuar njoftimi, ftesa dhe e drejta për të qenë aty. A do të kisha ndryshuar mendimin e tyre? Nuk e di, por besoj se fjalët kanë peshë. Ju sot po bëni diferencën, sepse po dëgjoni palët,” theksoi ai.
Ish-kryebashkiaku tha se ndjehej i lënduar jo vetëm nga vendimi, por nga fakti se ai erdhi nga njerëz me të cilët kishte punuar për vite.
“Fyerja më e madhe e jetës sime është që më tradhtuan ata që më njihnin. Tirana ka qenë një kantier i madh pune për 10 vite. E vetmja ‘eficiencë’ që pashë tani ishte ajo e padrejtësisë. Nuk e di vendimin nëse do t’i shikoja në sy, por po ta bëja, do t’u kujtoja se nesër mund të ishin edhe ata viktima si unë,” përfundoi Veliaj.
