Deputeti i PS, Erion Braçe, ka bërë një krahasim mes protestave që bëhen para Kryeministrisë nga opozita dhe revoltës së 14 shtatorit 1998, ku në Tiranë u organizua një grusht i mirëfilltë shteti me protagonist Sali Berishën, i cili pushtoi me grupe të armatosura për disa orë Kryeministrinë, Gjykatën Kushtetuese, Ministrinë e Drejtësisë, Ministrinë e Kulturës.
Përmes një postimi në rrjetet sociale, Braçe ironizon duke thënë se ‘Bulevardi i Dëshmorëve’ është restauruar në studiot më të mira, ndërsa personazhet e revoltës duken “si të gjallë” pas restaurimit, duke ndarë një foto nga revolta dhe një foto nga Kryeministria ku nuk ka asnjë protestues..
Tirana e Madhe/ Bulevardi i dëshmorëve, restaurohet në studiot më të mira, filmi “Revolta e 14 shtatorit”; personazhet duken si të gjalla pas restaurimit! Ndërkohë jemi live nga protesta! Nga largësia e kohëve mbetet vetëm një pyetje film pas filmi: A do të bëhet ndonjëherë normal ky vend?’, shkruan ai.
