Diego Pablo Simeone do të ulet në stolin e Interit në të ardhmen dhe tashmë këtë e konfirmon edhe vetë argjentinasi. Nëse pak ditë më parë ishte i biri, Xhovani, i cili luan të Xhenoa, ai që deklaroi se babai i tij do të ulej në pankinën zikaltër, tashmë edhe “El Cholo” konfirmon gjithçka.
“Mendoj se është normale që djali im, babai im apo edhe motra ime të flasin për Interin dhe faktin që një ditë unë mund të drejtoj këtë skuadër. Xhovani është djali im, flas shumë me të.
Të gjithë e dinë që një ditë unë do të drejtoj zikaltërit dhe kjo nuk është më diçka e re”, ishte konfirmimi i Simeones në konferencën e sotme për shtyp para ndeshjes së Ligës së Kampioneve kundër Bajern Mynih, shkruan panorama.
Sipas mediave spanjolle, një gjë e tillë mund të ndodhë vetëm pas verës së vitit 2018, pasi Simeone nuk ka ndër mend të prishë kontratën që ka me madrilenët në një vit ku klubi do të ketë të ndaluar të bëjë edhe merkato për shkak të thyerjes së rregullave të FIFA-s./a.k
