Deputetja kosovare Eliza Hoxha u kërcënua me jetë nga një përdorues i rrjeteve sociale para disa ditësh.
“Eliza Hoxha je e vdekur”, shkruhej në postim, për të cilin deputetja thotë se kërcënimi ishte i depërt.
Duke folur për emisionin “Ftesë në 5”, Hoxha tha se e ka denoncuar cështjen në polici, ndërkohë që vëllezërit kanë arritur të identifikojnë personin pasi e njohin.
“Politika e ka të theksuar bullizmin, por mundohesh për t’a anashkaluar. Por u bë e padurueshme kur më mbërriti ky mesazh. Për mua janë të pakuptimta. Unë kam duruar kërcënime të ndryshme, por kjo ishte për jetën. Kur e kanë verifikuar mendova që ka ardhur koha që të bëhet publike. Nuk kanë asnjë respekt minimal, për atë që përfaqëson dhe ke përfaqësuar dikur. Nëse nuk më pëlqen mos më ndiq, mos më shiko. Po e kam denoncuar në polici, dhe normalisht është në procedurë.
Thjesht nuk pëlqej për të dramatizuar gjërat. Shpesh jam munduar për të anashkaluar situatën. Lufta, socializmi, komunizmi, demokracia, ato që kanë kaluar vendet në një shekull ne i kemi kaluar në një dekadë. Në fakt është shumë interesante që edhe prindërit dhe familjarët të mos i përfshij në punët e mia. Këtë rast janë marrë dy vëllezërit e mi, e njohin personin”, u shpreh Eliza Hoxha.
/a.r
