Policia braziliane konfirmoi të premten se ambasadori grek në Brazil, Qiriakos Amiridhis është vrarë dhe pastaj është djegur në makinë, ku e dyshuar për këtë vepër është gruaja e tij.
Policia e Rio de Zhaneiros ka gjetur sot trupin e pajetë brenda një makine të djegur, e cila ishte marrë me qira nga ambasadori grek në Brazil, Qiriakos Amiridhis.
Edhe Ministria e Jashtme greke ka konfirmuar se trupi është i përfaqësuesit diplomatic, i cili rezultonte i zhdukur prej disa ditësh.
59-vjeçari ishte zhdukur prej tre ditësh pasi udhëtoi drejt Rios nga Brasilia për festimet tradicionale të Vitit të Ri në plazhin e Kopakabanas.
Një pjesëtar i stafit të Ambasadës ka vazhduar të shkëmbejë mesazhe me numrin e ambasadorit edhe pas zhdukjes, pa qenë i sigurt nëse ishte duke folur me shefin e tij.
Për herë të fundit ai është parë në periferinë e Rios, Nova Iguasu, ku u gjet dhe makina.
Spas të dhënave ai u zhduk pasi ishte konfiktuar me gruan e tij braziliane, pasi e gjeti duke bërë seks me një polic brazilian.
Ndërkohë raportohet sde në banesën e gruas u gjetën edhe shenja gjaku të ambasadorit. Dyshoet se ajo e vrau së bashku me dashnorin.
Kjo zonë famëkeqe për shkak të numrit të lartë të vrasjeve nga bandat e armatosura që e kontrollojnë terrenin është bërë shpesh arenë pengmarrjesh të ngjashme. Ambasadori e kishte marrë detyrën në fillim të vitit pasi kishte shërbyer në Libi./a.m.
