“E hëngri ujku” dhe “theu këmbën”, këto janë kodet që dy kryepleqtë e Njësisë Pult në Shkodër Dritan Lisja dhe Gjin Lushi përdornin gjatë komunikimit me grupin kur policia asgjesonte parcelat me kanabis.
Në Shkodër ka nisur seanca gjyqësore për 16 personat e arrestuar dhe të akuzuar për prodhim dhe shitje te lëndëve narkotike.
Aksioni për arrestimin e tyre u zhvillua tre ditë më parë dhe mes të arrestuarve ishin dy kryepleq dhe një efektiv i FNSH, i cili dyshohet se dekonspironte aksionet antikanabis të policisë.
Gjykata ka dhënë masën “arrest me burg” për njërin prej kryepleqtë e njësisë administrative Pult, Dritan Lisaj i arrestuar më akuzën për kultivim të lëndës narkotike dhe për shpërdorim detyre.
16 persona u vunë në pranga më 28 shkurt në një super aksion të Policisë së Shkodrës, mes të cilëve dy kryepleq dhe një efektiv i Forcave Speciale. Pas një hetimi 10 mujor, prokuroria ka lëshuar 18 urdhër arrestet për personat e dyshuar sit ë përfshirë në kultivimin e lëndëve narkotike, ku 16 prej këtyre fletë-arresteve janë ekzekutuar nga policia. Në periudha të ndryshme ky grup kriminal ka kultiviaur deri në rreth 100 mijë bimë kanabisi, shkruan express.
Dy kryepleqtë e Njësisë Administrative Pult, efektivi të Forcave Speciale dhe një numër personash të tjerë ishin të angazhuar në organizimin përpunimin dhe përgatitjen e lëndës narkotike. Dy kryepleqtë Dritan Lisaj dhe Gjin Lushi akuzohen për kultivim të lëndës narkotike dhe për shpërdorim detyre pasi duhej të raportonin për drogën e mbjellë në këtë njësi administrative.
Ndërkohë, Ardian Loci, efektiv i Forcave të Ndërhyrjes së Shpejtë, dyshohet se dekonspironte aksionet policore. Ky i dyshuar është ndaluar nga SHÇBA./a.k
