Dy shqiptarë dhe një grua greke u arrestuan këtë të martë si anëtarë të një rrjeti që trafikonte heroinë. Gjatë aksionit në qytetin Kalyvia, policia greke sekuestroi 29 kilogramë heroinë, e fshehur në një tavernë, ku punonte njëri prej shqiptarëve të arrestuar.
Lidhur me këtë ngjarje ka folur edhe pronari i tavernës, njëherësh edhe pronari ku punonte një prej shqiptarëve të arrestuar.
Ai tregon se 34 vjeçari shqiptar prej disa vitesh punonte në këtë tavernë dhe se nuk e mendonte kurrë që shqiptari të ishte i përfshirë në këtë veprimtari kriminale.
Madje pronari grek thotë se 34-vjeçarin e donte si djalin e tij pasi punonin bashkë prej shumë kohësh.
“Më lehtë do ta kisha të fajësoja fëmijën tim se sa atë”, thotë pronari grek i tavernës.
Ai ka edhe një këshillë për qytetarët e tjerë: “Bëni kujdes se cilët persona fusni në shtëpitë dhe bizneset tuaja”.
Bashkë me 34-vjeçari, u arrestua edhe një 32-vjeçar shqiptar që mendohet se është “truri” i rrjetit të drogës dhe një 29-vjeçare greke. /b.d
