Superkupa e Spanjës sjell El Clasicon e famshme Barcelona-Real Madrid dhe në një ditë vere në Camp Nou premtohet spektakël. Në mbrëmje duke nisur nga ora 22:00 nis ndeshja e parë e Superkupës së Spanjë që do të jetë edhe ndeshja e para e katalanasve pa Neymar të larguar drejt PSG-së.
Në kampin e katalanasve vihet në këtë përballje ndaj Kampionëve të Europës me zëra të shumtë merkatoje se kush do të zëvendësojë brazilianin por trajneri Valverde thekson se skuadra është gati.
”Do të jenë dy ndeshje të forta ku ne do të japim gjithçka dhe nuk mund të merret si reference miqësorja e luajtur në SHBA”, ka thënë Valverde. Sa i përket formacionit të Barcelonës që do të zbresë në fushë pritet të jetë ai klasiku ku Deolofeu do jetë risia që do të plotësojë treshen e sulmit në vend të Neymar.
Në kampin madrilène në Camp Nou vihet si Superkampion i Europës dhe skuadra është gati. Modriç i pezulluar do të zëvendësohet nga patrioti i tij Kovaçiç ndërsa trajneri Zidane ka dy dilema. Mund t’i japë pushim Marcelos dhe në vend të tij të luaj Teo ndërsa në garë për një vend titullari janë Bale e Ronaldo.
Trajneri Zidane ka konfirmuar rinovimin e kontratës deri në vitin 2020 duke u shprehur i lumtur ndërsa në lidhje me përballjen e sotme deklaron: “Do të më pëlqente më shumë që Superkupa të ishte me një ndeshje por fizikisht dhe psikologjikisht jemi mjaft mirë. Të gjitha kanë dëshirë ta luajnë këtë ndeshje dhe mua më duhet vetëm të zgjedh.Cristiano është gati ndërsa Isco mund të luajë së bashku me treshen e sulmit Bale-Benzema-Cristiano”, përfundon Zidane.
Kompanitë e basteve favorizojnë Barcelonën fitorja e së cilës kuotohet me 2 ndërsa fitorja e Real Madrid jepet me koeficentin 3.3. Përveç Barça-Real në mbrëmje dorëzohet edhe trofeu i parë në Itali ku Juventusi dhe Lazio do të luftojnë për Superkupën.
