Partia Republikane zhvilloi mbledhjen e Asamblesë Kombëtare. Kryetari i kësaj partie, Fatmir Mediu, gjatë fjalës së mbajtur u shpreh se, “situata aktuale në Shqipëri sjell nevojën e një krijimi të domosdoshëm të një konfederate të djathtë gjithëpërfshirëse. Kjo, sipas tij, “do të jetë e vetmja mënyrë për të ndalur revanshin antiligjor të kësaj qeverie.
Mediu gjithashtu shprehu domosdoshmërinë e konsensusit për reformën në drejtësi si dhe bashkëpunimin e së djathtës për reformën zgjedhore.
Duke u ndalur të ligji i për pronat, Mediu tha se Partia Republikane do ta dërgojë atë në Gjykatën Kushtetuese si dhe në Komitetin e Ministrave të Bashkimit Europian.
Gjatë mbledhjes së Asamblesë, nga anëtarët u ngrit shqetësimi i zbatimit të marrëveshjes me Partinë Demokratike para zgjedhjeve lokale, problem për të cilin Mediu tha se është drejt zgjidhjes, duke shtuar që edhe republikanët duhet të kërkojnë me ngulm respektimin e saj.
