Policia ka sekuestruar dy armë zjarri dhe një sasi fishekësh luftarakë gjatë një operacioni, ndërsa është prangosur edhe poseduesi i tyre.
Pas informacioneve të marra nga qytetarët se një person në Kallmet të Lezhës posedonte armë zjarri, policia ndërhyri duke arrestuar shtetasin me inicialet N.T.
Gjatë kontrollit të banesës iu gjetën edhe sekuestruan një armë zjarri kallashnikov dhe 2 krehra me 54 fishekë, si dhe një pistoletë me 2 krehra me 15 fishekë.
I arrestuari tashmë do të akuzohet për armëmbajtje pa leje. Materialet procedurale do t’i kalojnë Prokurorisë pranë Gjykatës së Shkallës së Parë Lezhë, për veprime të mëtejshme. /e.s/
