Ngjan pak si makabër. Një djalë është “fejuar” me të dashurën e tij dy ditë pas vdekjes së saj, ndërsa fotografinë e unazës në gishtin e saj e ka postuar në Facebook. Abigail Hall, 18-vjeçare, vdiq të mërkurën mbrëma në universitet ndërsa i dashuri i saj Josh Thompson, 22-vjeçar, për të treguar dashurinë për të, vendosi që të fejohej me të dashurën e vdekur, raporton Daily Mail.
Pasi kërkoi lejen e prindërve të saj për këtë veprim të pazakontë, ai vendosi unazën në gishtin e saj ndërsa në Facebook shkroi: “Abigail Hall dhe unë tani jemi të fejuar. Ajo është jeta ime”, transmeton Koha.net.
“Nuk mund ta përshkruaj me fjalë dashurinë që kam për të, ajo ishte arsyeja që unë zgjohesha çdo mëngjes”. “Ishim shumë të lidhur. Çdo gjë që bëmë ishte e vërtetë dhe ajo gjithmonë ishte afër meje me buzëqeshje në fytyrën e saj”.
