Policia franceze ka bërë evakuimin e njerëzve nga aeroporti i Tuluzës, një prej më të frekuentuarve në Francë.
Janë ende të paqarta shkaqet që kanë çuar në evakuimin e aeroportit, por dyshohet të ketë lidhje me ndonjë alarm për sulm terrorist. Qindra pasagjerë janë parë jashtë ambienteve të aeroportit ndërsa në brendësi raportohet për prezencë të lartë të policisë dhe forcave speciale.
Pas sulmeve terroriste ditën e djeshme në Bruksel, në të gjithë Europën janë rritur ndjeshëm masat e sigurisë.
Aeroporti Tuluze-Blanjak gjendet në zonën e Pirenejve dhe më 2012 aty kanë qarkulluar mbi 7.5 milionë pasagjerë.
