Dy aksidente automobilistikë shumë pranë njëri-tjetrit, kanë ndodhur në autostradën Tiranë-Durrës, pranë zonës së quajtur Qafa e Kasharit.
Ngjarja është raportuar në orët e paradites së të dielës, teksa policia ka mbërritur në vendin e ngjarjes dhe po heton për përcaktimin e shkaqeve.
Paraprakisht raportohet se nga përplasjet e mjeteve, ka vetëm dëme materiale, ndërsa aktualisht është krijuar një radhë e gjatë mjetesh në autostradë, në kahun që shkon nga Tirana për në Durrës.
Por edhe fluksi i lartë i qytetarëve që i janë drejtuar bregdetit për fundjavë nisur nga temperaturat e larta ka sjellë një rëndim të trafikut në autostradën Tiranë-Durrës./a.ç
