Temperaturat e larta dhe pushimi i fundjavës ka bërë që të gjithë të drejtohen drejt plazheve.
Dyndja drejt bregdetit, sidomos nga kryeqytetasit, ka krijuar një trafik të rënduar në autostradën Tiranë-Durrë, ku shënohen radhë kilometrike.
Situata pritet të rëndohet më shumë në mbrëmje, gjatë kthimit të pushuesve drejt kryeqytetit.
Në një njoftim të publikuar nga Policia Rrugore deklaron se ka fluks mjetesh në aksin Maminas-Gjiri i Lalzit.
Policia u bën apel drejtuesve të mjeteve të jenë të kujdesshëm dhe të respektojnë rregullat e qarkullimit dhe të kthehen në orare të përshtatshme
Njoftimi i Policisë Rrugore:
Gjatë pasdites pritet një fluks i madh mjetesh në kthim nga Gjiri i Lalzit drejt Tiranës dhe Durrësit. U kërkojmë drejtuesve të mjeteve të nisen në orare të përshtatshmë për të shmangur fluksin. Kërkojmë nga ato të jenë të kujdshëm në kontrollin e mjetit dhe sqarojmë se do ketë forca të shtuara policie në këtë segment rrugor.
Javanews/a.ç
